جيىن جەكە تۇرعىن ءۇي قۇرىلىسى ءۇشىن جەر ماسەلەسى بويىنشا قازىرگى جاعدايدى تالقىلاۋمەن اشىلدى.
2015 جىلدان باستاپ وبلىستا تۇرعىن ءۇي سالۋ ءۇشىن 25,5 مىڭ جەر تەلىمى بەرىلدى. الايدا, كۇتۋ تىزىمدەرىنىڭ سانى ازايماي وتىر, دەپ مالىمدەدى اۋىل شارۋاشىلىعى باسقارماسىنىڭ باسشىسى قۇسايىن سارسەمباي. ماسەلەن, 2017 جىلعى جەلتوقساندا تۇرعىن ءۇي قۇرىلىسىنا 10 سوتىق جەردى الۋ ءۇشىن 150 مىڭعا جۋىق ءوتىنىم تىركەلسە بۇگىنگى كۇنى 161 مىڭعا جۋىق.
ەڭ كوپ ۇسىنىس اقتوبەلىكتەردەن - 128 مىڭ, العا اۋدانى - شامامەن 14 مىڭ, مارتوك شامامەن 5 مىڭ جانە مۇعالجار حرومتاۋ اۋداندارى 4 مىڭ ادامنان تۇسكەن. جەر كەزەگى ويىل جانە قوبدا اۋداندارىندا جوق.
بيىل 14,2 مىڭنان استام ۋچاسكەنى بەرۋ جوسپارلانىپ وتىر.
وبلىس اكىمى بوس جەرلەرگە بارلىق رەزەرۆتەردى ينجەنەرلىك كوممۋنيكاتسيالارمەن قامتاماسىز ەتۋ - اقتوبەلىك تۇرعىندارعا ون سوتىق جەردى بەرۋگە مۇمكىندىك بەرەدى دەپ تاپسىردى. سونداي-اق, كىم بىرنەشە جىل بويى ءۇي سالماي, جەردى نىسانالى ماقساتى بويىنشا پايدالانباسا سول جەردى تارتىپ الۋعا جۇمىستى كۇشەيتۋدى تاپسىردى. بولاشاقتا تارتىپ الىنعان جەرلەر كۇتۋ تىزىمدەرىندە تۇرعاندارعا بەرىلەدى.
بۇدان باسقا, تۇرعىن ءۇي سالۋ ءۇشىن جەردى بەرۋ جۇمىستارى قارعالى, ايتەكە بي جانە حرومتاۋ اۋداندارىنىڭ اكىمدەرىنە جەدەلدەتۋگە باعىتتالدى.
اۋىلشارۋاشىلىق جەرلەرىن پايدالانۋ تۋرالى ايتقان وبلىس اكىمى اۋىل شارۋاشىلىعى باسقارماسىن اۋىل تۇرعىندارىنا شابىندىقتار مەن جايىلىمدار بەرۋ بويىنشا سىنعا الدى. وسىلايشا, اۋىل شارۋاشىلىق باسقارماسىنىڭ باسشىسى قۇسايىن سارسەمبايدىڭ مالىمەتىنشە وسى جىلى 142,5 مىڭ گەكتار جەر پايدالىنىلادى, 8932,8 مىڭ گەكتارى مال جايىلىمدىققا جانە جەم-ءشوپ ءۇشىن جارامدى جەر جالپى الاڭى 35% قۇرايدى.
– ءبىز اۋىل تۇرعىندارىنا – مال باسى سانىن كوبەيتۋدى ايتامىز, ال باسقارمالار مەن اۋدان اكىمدەرى وسى ماقساتتارعا ءتيىمدى جەردى ەنگىزۋدە جۇمىس ىستەمەيدى. سوندىقتان جىل سايىن مال شارۋاشىلىعىنداعى ءوسىم 3-5%-دان اسپايدى. اۋىل تۇرعىندارىنا ۋاقتىلى جانە قاجەتتى مولشەردە جەر بەرىلگەن بولسا, جاعداي مۇلدەم باسقاشا بولار ەدى, – دەپ اتاپ ءوتتى بەردىبەك ساپارباەۆ.
جيىندى قورىتىندىلاي كەلە, وبلىس اكىمى اۋىلشارۋاشىلىق جەرىن ءتيىمدى پايدالانۋدى, تۇرعىن ءۇي سالۋ ءۇشىن جانە كوممەرتسيالىق ماقساتتاعى جەر ۋچاسكەلەرىن ۇنەمى قاداعالاۋدى تاپسىردى. سونىمەن بىرگە, مەملەكەتتىك ساۋلەت-قۇرىلىس باقىلاۋ جانە جەر ينسپەكتسياسى باسقارمالارى پايدالانىلماعان جەرلەردى انىقتاۋ مەن الىپ تاستاۋ بويىنشا كۇش-جىگەردى بىرىكتىرۋگە مىندەتتەنەدى.
تەمىر قۇسايىن,
"ەگەمەن قازاقستان"
